نكت zaz

1-قالك هادي واحد الطيارة هازا غير الحماق واحد كايغوت واحد كاياكل فراسو كل واحد و شنو كايعمل الpيلوط صدعوه خرج باش يسكتهم بانليه واحد جالس فواحد القنيت طرانكيل مشا عندو قالو الله يخليك شوف كيف دير سكت هادو و من بعد 5 دقايق سمع الطيارة سكتت خرج شاف لقى غير هاداك السيد الي دوا معاه قبل قالو فاين امشاو هادوك قالو راه قلتلهم الي بغا يلعب يخرج برا راكم صدعتو البيلوط

2-جوج سرقو بنك. مشاو لدا ر كايحسبو .عياو واحد قال لصاحبو غير نعس دابا غدا هايقولو فالاخبار شحال سرقنا

3-قاليك هدي واحد لحفرة فوسط واحد لمدينة لكيدوز حداها كيطيح لمهم دار الزمان وجاو الانتخابات و3 لمرشحين كل واحد كيقول الى بغي نربح خاسني ندي شي حل لهده الحفرة جاء الاول وقالهم صوتوا عليا وغنديرلكم واحد سيارة اسعاف حدا هاد لحفرة جاء التاني وقالهم صوتوا عليا وغنديرلكم 2 سيارة اسعاف حداهده الحفرة الناس معجبهومش لحال وجاء التالت وقالهم صوتوا عليا وغنحيد هده الحفرة من هنا ناض كلشي كيصفق عليه ومنين سكتوا قالهم وغنبنيو حفرة حدا سبيطار

4-قاليك هدا واحد الراجل ادخل واحد القهوة وهو يقول ليهم اللي مكيخافش من مراتوا يخرج كلشي اهرب حتى مول القهوة الا واحد الراجل بقى جالس وهو يقول ليه مالك انت مهربتيش بحالهم واش مكتخافش من مراتك قاليه لا راه مراتي قالت ليا متحركش من بلاصتك حتى ارجع ليك

5-هذوا جوج صحاب ديما معاكسين مع بعضياتهم قال واحد نمشيو للقهوة قال صاحبو لا نمشيو للمطعم دار ليه خاطرو قال ليه تاني ناكلو الكفتة قال لا ناكلو الدجاج دار ليه تاني خاطرو أو كلاو الدجاج واحد المرة بغاو إمشيو للحمام قال نمشيو للحمام الشريف قالو لا نمشيو لحمام الدكالي دار لو خاطرو أومشاو لحمام الدكالي أو مني خرجو قال ليه نشربو عصير الليمون قالو لا نشربو الحليب طلع ليه الدم أو قتلوا أو جاو البوليس أو حققوا في المقتل تاعو أو معرفوش شكون لي قتلوا الصباح تم غادي في الكنازة ديالو أو بلعاني بارك إي بكي عليه مني جاو إدفنوه وحلوا معاه إهبطو راسو طلع رجلوا إهبطوا رجلوا طلع إدو وهكذا أو نقز صاحبو أو قال ها علاش قتلتوا

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31